Aýa raıyna baılanysty QTJ qosymsha 25 vagon bóldi

ASTANA. QazAqparat - Boranǵa baılanysty jıi qatynaıtyn baǵyttarǵa qosymsha 25 vagon bólindi, dep habarlaıdy «QazAqparat» HAA QTJ baspasóz qyzmetine silteme jasap.

«Asa mańyzdy baǵdarlarǵa jolaýshylardy jetkizý úshin 25 qosymsha vagondar tartyldy. Bir táýliktiń ishinde 4500-ge jýyq jolaýshy tasymaldandy. Jolaýshylardy mejeli jerge jetkizý úshin barynsha shuǵyl sharalar jasalýda, - delingen ulttyq kompanııanyń habarlamasynda. - Aýa raıyna baılanysty temirjol vokzaldarynda qosymsha oryndyqtar, jolaýshylarǵa arnalǵan demalys bólmeleri, ana men bala bólmeleri iske qosylmaq».

10-11 qańtarda Aqmola, Qaraǵandy, Soltústik Qazaqstan oblystary aýmaǵynda jeldiń jyldamdyǵy sekýndyna 20 metrge jetti.

«Aqmola, Qaraǵandy, Qostanaı, Pavlodar, Aqtóbe qalalaryndaǵy temirjol bólimshelerinde 35 qar tazalaý tehnıkasy men 1500-den astam jumysshy jumyldyryldy», - dep habarlady ulttyq kompanııanyń baspasóz qyzmetindegiler.

«QTJ» UK» AQ qyzmeti kúsheıtilgen keste tártibimen jumys jasap jatyr.