Aýa raıyna baılanysty eki oblysta jol jabyldy

ASTANA. KAZINFORM – QazAvtoJol eki oblysta kólik qozǵalysyna shekteý qoıylǵanyn habarlady. 

17:30-da Aqtóbe oblysynda kólik qozǵalysy shekteldi. 

Búgin aýa raıynyń buzylýyna baılanysty «RF shekarasy – Mártók – Aqtóbe – Qarabutaq – Qyzylorda – Shymkent – Taraz – Qordaı – Almaty – Qorǵas – QHR shekarasy» avtojolynyń 776-965 shaqyrym aralyǵyndaǵy ýchaskesinde (EKO oıl janarmaı stansasy – Qarabutaq aýyly) júk jáne qoǵamdyq kólikterdiń qozǵalysyna shekteý qoıylady.

Jol qozǵalysy erteń saǵat 08:00-de ashylýy yqtımal.

Sondaı-aq búgin keshke Jambyl oblysynda da jol jabyldy. 

Saǵat 19:00-de Jambyl oblysynda aýa raıynyń nasharlaýyna baılanysty «RF shekarasy – Mártók – Aqtóbe – Qarabutaq – Qyzylorda – Shymkent – Taraz – Qordaı – Almaty – Qorǵas – QHR shekarasy» avtojolynyń 159-238 shaqyrym aralyǵyndaǵy ýchaskesinde (Qordaı asýynyń jańa aınalma joly, Kenen aýylynan Qaınar aýylyna deıin) barlyq kólik túrleriniń qozǵalysyna shekteý qoıylady.

Joldy aınalyp ótý eski Qordaı asýy arqyly júzege asyrylady.

Eske sala keteıik, 15 jeltoqsan kúni Aqtóbede jolda qalǵan sheteldikter jylytý pýnktine jetkizilgen bolatyn.