Aýa raıyna baılanysty Astanadan qandaı reıster usha almaı otyr
Qardyń tolassyz jaýǵanyna jáne qatty jelge baılanysty Astana qalasynda Air Astana reısteri usha almaı otyr, dep habarlaıdy Kazinform Astana áýejaıynyń baspasóz qyzmetine silteme jasap.
Baspasóz qyzmetiniń habarlaýynsha, ushý qaýipsizdigi áýe tasymaldaýshysynyń negizgi basymdyǵy, sondyqtan elordaǵa keletin nemese ketetin birqatar reıster toqtaýǵa májbúr boldy.
30 jeltoqsanda toqtatylǵan reıster:
Almatydan/Almatyǵa: KS 621/622, KS 651/652, KS956, KS992A, KS855/856, KS 9910/9920
Dýbaıǵa / Dýbaıdan: KS 207/208
Aqtóbege/Aqtóbeden: KS 965/966
Oraldan /Oralǵa: KS979/980
Atyraýǵa/Atyraýdan: KS 981/982, KS 983/984
Óskemenge/Óskemennen: KS 345/346
Aqtaýǵa/Aqtaýdan: KS 313/314
Air Astana oryndalmaǵan reısterdiń jolaýshylaryna satyp alý orny boıynsha bıletterdiń qunyn tegin qaıtarýǵa jáne qaıta brondaýǵa múmkindik beredi.
Qazir áýe tasymaldaýshy múmkindiginshe jolaýshylardy qonaqúılerge ornalastyrady. Ókinishke qaraı merekelik demalys kúnderi qarsańynda qonaqúıler adamdarǵa toly bolǵandyqtan jaǵdaı kúrdelene túsýde.
Jolaýshylardyń suranystaryn jedel óńdeý úshin Brondaý jáne aqparat ortalyǵy, sondaı-aq Astanadaǵy jerústi qyzmet kórsetý qyzmeti qyzmetkerleriniń quramy kúsheıtildi.
«Áýe tasymaldaýshy kún raıynyń ózgerýin baqylap otyr jáne tezirek jolaýshylardy dittegen jerge múmkindiginshe tez jetkizýge kúsh salady. Jolaýshylarǵa túsinistik tanytqany úshin alǵys bildiremiz jáne kompanııanyń resmı saıtynda reısterdiń mártebesin baqylap otyrýǵa bolatynyn eske salamyz»,-delingen áýejaıdyń baspasóz habarlamasynda.
Qandaı da bir suraqtar týyndaǵan jaǵdaıda áýe kompanııasy jolaýshylardan kelesi nómirler boıynsha habarlasýdy suraıdy.
Brondaý jáne aqparat ortalyǵy
+7 727 244 4477
+7 7172 584477
+7 702 702 4477
Reıster keshigý máseleleri boıynsha jedel jeli: +7 7272 44 44 78
WhatsApp: +7 702 702 00 74
