Aýa raıyn elemegen kólik júrgizýshileri aıyppul arqalaı bastady
ASTANA. KAZINFORM – Boran, daýylǵa qaramastan jolǵa shyǵatyn avtokólik júrgizýshileri ákimshilik jaýapqa tartylyp jatyr. Bul týraly Tótenshe jaǵdaılar mınıstrligi Tótenshe jaǵdaılardy joıý departamenti bastyǵynyń orynbasary Jomart Asqarov málim etti.
«Aýa raıynyń qolaısyzdyǵyna qatysty habarlamalardy eskermeı jolǵa shyqqan avtokólik júrgizýshileri ákimshilik jaýapqa tartylady. Ony polıtsııa qyzmetkerleri atqarady. Aldymen júrgizýshige eskertý jasalady, eger qaıtalansa aıyppul salynady», - dedi Tótenshe jaǵdaılar mınıstrligi Tótenshe jaǵdaılardy joıý departamenti bastyǵynyń orynbasary Jomart Asqarov Ortalyq kommýnıkatsııalar qyzmeti alańynda ótken baspasóz máslıhatynda.
Sondaı-aq spıker BAQ ókilderiniń «Aıyppul qansha kólemde salynady jáne osy kúnge deıin qansha avtokólik júrgizýshisi ákimshilik jaýapqa tartyldy» degen saýalǵa sol jerde jaýap bere almady.
«Aıyppul kólemi men sany týraly aqparatty sizderge jazbasha jibereıin», - dedi TJM ókili.
