Atyraýlyqtar elorda ataýynyń Nur-Sultan bolyp ózgerýin quptaıdy

ATYRAÝ. QazAqparat - Elimizdiń Tuńǵysh Prezıdenti ótken jyly qyrkúıek aıynda Atyraý qalasyna kelgen jumys saparynda H.Dosmuhamedov atyndaǵy Atyraý memlekettik ýnıversıtetine tıesili 400 oryndyq Stýdenter úıin ashqan bolatyn. Búgin osy záýlim ǵımaratta atalmysh oqý ornynyń oqytýshy-professorlary, ustazdary, stýdentteri men magıstranttary jınalyp bas qalamyzdyń ataýy ózgerýine oraı óz oı-pikirlerin ortaǵa saldy, dep habarlaıdy QazAqparat.

Kezdesýde ýnıversıtettiń ǵylymı jumystar jónindegi prorektory Salamat Idrısov, fılologııa ǵylymdarynyń doktory, professor, aqyn Qadyr Júsip, tarıh ǵylymdarynyń kandıdaty, professor Shahman Naǵymov, tarıh ǵylymdarynyń doktory, professor Janna Qydyralına sóz alyp, Saryarqa tórinde boı kótergen ásem de aıbyndy Astana qalasynyń ómirge kelý tarıhy jáne osy istiń júzege asýyna negizgi muryndyq bolǵan Elbasynyń eren eńbekteri týraly aıta kelip, elordamyzdyń ataýy Nur-Sultan bolyp ózgertilýin quptaıtyndyqtaryn jetkizdi.

Janat Ábdiqaımova, Nurıla Keńes, Ertas Rústembaev syndy ýnıversıtet stýdentteri bas qalamyzdyń ataýynyń ózgerýin tarıhı ádilettilik dep atady.