Atyraýlyq oqýshylar qar men tozańdy tazalaıtyn robot qurastyrdy

ATYRAÝ. QazAqparat – Atyraýlyq oqýshylar birneshe robot qurastyrdy. Onyń ishinde qar men tozańdy tazalaıtyn robot pen adam mıyna túsetin kúshti anyqtaıtyn datchık bar, dep habarlaıdy QazAqparat.

Atyraý qalasyndaǵy Nazarbaev zııatkerlik mektebiniń oqýshylary qurastyrǵan tazalaý robotynyń jumys isteýine arnalǵan baǵdarlama jasaýǵa muǵalimi kómektesken.

«Bizdiń maqsatymyz – qymbat emes kún batareıalaryn tazalaıtyn avtomatty júıe jasaý.

Kún batareıasynyń panelinde jınalyp qalǵan qar men shań tozańdy tazartý úshin robottyń aınalyp turatyn şetkasy bar. Robottyń kishigirim kún panelderi arqyly qýat

jınaıtyn batareıasy bolady», -deıdi zııatkerlik mektep muǵalimi John Paul Bejerano.

Kún sáýlesi panelderin tazartý jáne olardyń tazalaý mehanızmin jańartý úshin arnaıy qurylǵy jasaǵan oqýshynyń biri – Abylaı Amangeldiuly. Ol osy ýaqytqa deıin birneshe qurylǵy oılap tapqan.

«Budan buryn «Kovıd treker» dep atalatyn baǵdarlama qurastyrǵan edim. Bul baǵdarlama arqyly koronavırýsqa baılanysty aqparatty tabýǵa bolady. Al, «Bilim al» atty

baǵdarlamasyna qazaq tilin úırenýge arnalǵan. Aldaǵy ýaqytta jas baǵdarlamashylarǵa arnalǵan baǵdarlama ashýdy oılastyryp júrmin», -deıdi Abylaı Amangeldiuly.

Mektep oqýshylary mıdyń bólikteri men fýnktsııalaryn zerttegen. Nátıjesinde kontýzııany emdeıtin trenajerdiń áser etý kúshin tómendetetin modeldik mıǵa arnalǵan

qorǵanys qalpaǵyn jasaǵan. Qorǵanys qalpaǵy sportpen shuǵyldaný kezinde onyń qulaýyna jol bermeıtin tehnologııamen jabdyqtaýǵa baǵyttalyp otyr.

«Maketimizde 5 sensor bolady. Bul mıdyń 5 bóligine arnalǵan. Ár datchık mıdyń ár bóligine túsetin kúshti esepteıdi», -deıdi 10-synyp oqýshysy Aısultan Jumabaı.

Eske sala ketelik, buǵan deıin atyraýlyq oqýshy STEM olımpıadasynyń kúmis medaline

ıe bolǵanyn jazǵan edik.