Atyraýdaǵy Damby aýylynda ákim saılaýyna 7 úmitker usynyldy
Buǵan deıin Atyraý oblysynda 18 aýyldyq okrýgtiń ákimi saılanatyn bolyp, oǵan 73 úmitker usynylǵan edi.
Oblystyq aýmaqtyq saılaý komıssııasynyń tóraǵasy Azamat Aımanakýmovtyń aıtýynsha, aýyl ákiminiń saılaýy Atyraý qalasy men 6 aýdanda ótedi. Al, Maqat aýdanynda 1 kent pen 2 aýyldyq okrýg ákimderiniń saılaýyn ótkizý josparlanbaǵan. Sebebi, bul aýdandaǵy okrýg ákimderiniń ókilettik merzimi aıaqtalmaǵan.
«Okrýg ákimderiniń saılaýyna 73 úmitker usynyldy. Onyń ishinde 34 muǵalim (46,6%), 12 zańger (16,4%), 10 ekonomıst (13,7%), 8 aýyl sharýashylyǵy mamany (11%), 1 ınjener (1,3%) men 8 basqa mamandyq ıeleri (11%) bar. Sondaı-aq, 19 áıel (26%) bar» -deıdi Azamat Aımanakýmov.
Onyń málimetine súıensek, Damby aýyldyq okrýginde eń kóp úmitker usynylǵan. Atyraý qalasyna taıaý ornalasqan bul aýylǵa ákim bolǵysy kelgen 7 úmitker baq synaýǵa bekingen. Sondaı-aq, Qaıyrshaqty (Atyraý qalasy) men Jarsýat (Inder aýdany) aýyldyq okrýgterinde 6, Qurmanǵazy aýdanyndaǵy Kýdrıashov aýyldyq okrýginde 5 úmitker saılaýǵa qatysýǵa nıet bildirgen.