Atyraýda tyıym salynǵan jerde shomylǵan er adam Jaıyqqa batyp ketti
Atyraý oblystyq tótenshe jaǵdaılar departamentiniń qoǵammen baılanys tobynan málim etkendeı, oqıǵa búgin, 7 tamyzda bolǵan.
«Jergilikti ýaqytpen saǵat 15:40 shamasynda 58 jastaǵy er adamnyń Jaıyq ózenine batyp ketkeni týraly habar tústi. Ol Atyraý qalasyna taıaý ornalasqan Talqaırań aýylynyń tusynda Jaıyq ózenine shomylǵan. Jedel-qutqarý jasaǵynyń qutqarýshylary 1965 jylǵy er azamattyń arnaıy jabdyqtalmaǵan, sýǵa túsýge tyıym salynǵan jerde sýǵa túskeni anyqtaldy. Qutqarýshylar sý asty izdestirý-qutqarý jumystaryn júrgizip, saǵat 17:27 shamasynda er adamnyń múrdesin sýdan shyǵardy», - dep habarlady departamenttiń qoǵammen baılanys toby.
Sý astynan izdestirý jumysyna Atyraý oblystyq tótenshe jaǵdaılar departamentinen 3 qutqarýshy, 1 qaıyq tartylǵan.
«Bıyl jyl basynan beri Atyraý oblysynyń sý aıdyndarynda 11 adamǵa sýǵa batyp ketti. Onyń ishinde kámeletke tolmaǵan 3 bala bar. Qutqarýshylar sý aıdyndarynan 6 adamdy qutqaryp qaldy. Qutqarylǵandardyń bireýi – bala», - dep málim etti departamenttiń qoǵammen baılanys tobynan.
Tótenshelikter Atyraý oblysynyń turǵyndary men qonaqtaryna ózen-kólderdiń ruqsat etilmegen jerinde sýǵa shomylýǵa tyıym salynǵanyn eskertip otyr.
«Ásirese, balalardy sý aıdyndary mańynda qaraýsyz qaldyrýǵa bolmaıdy. Al eresek turǵyndar alkogoldik ishimdik iship, sýǵa túspegeni jón. Qutqarýshylardyń eskertýin elemeý, sýǵa shomylý erejesine nemquraıly qaraý ókinishke uryndyrýy múmkin», - dep eskertý jasady departament mamandary.
Eske sala ketelik, budan buryn Atyraýda eki aı buryn Jaıyqqa batqan jasóspirimdi izdeý áli jalǵasyp jatqanyn habarlaǵan bolatynbyz.
