Atyraýda Tuńǵysh Prezıdent kúni jas sarbazdar ant berdi
Saltanatty rásimge «Batys» óńirlik qolbasshylyǵy áskerleriniń qolbasshysy Nurlan Aldııarov, qolbasshy orynbasarlary, bólim komandırleri men Qarýly kúshterdiń ardagerleri qatysty. Áskerı ant qabyldaǵannan keıin jas sarbazdar qonaqtarǵa qoıan- qoltyq urys pen saptyq daıarlyq elementin kórsetti.
«Tuńǵysh Prezıdent kúni ant qabyldaý biz úshin úlken mártebe. Bul bárimizge erekshe jaýapkershilikti júkteıdi. Biz Otanymyzdyń ıgiligi úshin áskerı boryshymyzdy abyroımen oryndaımyz dep senimmen aıta alamyn», - dedi qatardaǵy jaýynger Aıbar Omar.
«Batys» óńirlik qolbasshylyǵy baspasóz qyzmetiniń málimetinshe, bıyl karantın shekteýine baılanysty ant qabyldaý saltanatyna jas sarbazdardyń t ýystary qatysa almady. Alaıda ata-analary men týystary joldaǵan hattardy komandırler oqyp berdi.
Endi jas sarbazdar kishi mamandardy daıarlaý baǵdarlamasy aıasynla jaýyngerlik daıyndyqty bastaıdy. Alty aı ishinde olar artıllerııashy, tankıst, barlaýshy, atqysh mamandyǵyn meńgeredi.
