Atyraýda taǵy bir 160 oryndyq jańa balabaqsha ashyldy
Oblystyq bilim basqarmasynyń baspasóz qyzmetinen málim etkendeı, jańa balabaqsha Atyraý qalasyndaǵy «Juldyz» shaǵyn aýdanynda boı kótergen. Balaqbaqsha qurylysy sheteldik kompanııanyń demeýshilik qarjysyna salynǵan.
«Memleket tarapynan balalardyń alańsyz tálim-tárbıe, bilim alýyna qolaıly jaǵdaı jasala beredi. Sonyń biri – mektepke deıin tárbıe beretin balabaqsha qurylysyn júrgizý.
Munaıly Atyraý oblysynda jyl saıyn paıdalanýǵa berilgen balabaqshalar sany artyp keledi. Aldaǵy ýaqytta de mundaı jańa balabaqshalar qurylysyn salý jalǵasyn tabady», -deıdi Atyraý oblysynyń ákimi Serik Shápkenov.
Jańa balabaqshada 2 jastan 5 jasqa deıingi balalarǵa arnalǵan balabaqshada 7 top bar. Onyń ishinde eń kishi búldirshinderge arnalǵan úsh toptyń árqaısysy 20 orynǵa eseptelgen. Al, ózge toptarǵa 25 baladan qabyldanady.
«Balabaqshada sport, gımnastıka jáne mýzyka sabaǵyn ótkizýge arnalǵan zaldar bar. Barlyǵy jańa jabdyqtarmen qamtylǵan. Munda mektepke deıingi jastaǵy búldirshinderge tárbıe beretin 45 qyzmetker, onyń ishinde 20 pedagog, 26 tehnıkalyq qyzmetker jumys isteıdi. Al, balalardy qabyldaý 20 qańtardan bastalady. Ony indigo24.kz aqparattyq júıesi arqyly júzege asyrý kózdelip otyr», -dep málim etti basqarmanyń baspasóz qyzmetinen.
Jańa balabaqshanyń aýmaǵyndaǵy 7 alańǵa kún túspeı, kóleńke bolýy úshin shatyr ornatylǵan. Bul alańdarda sporttyq jáne ózge de is-sharalar ótkiziledi.
Eske sala ketelik, buǵan deıin Atyraýda 160 oryndyq jańa balabaqsha ashylǵanyn habarlaǵan bolatynbyz.
