Atyraýda sýmen qamtý jáne káriz jelisiniń 5 jyldyq tarıfi bekitildi
«Atyraý oblysy Sý Arnasy» KMK baspasóz qyzmetiniń málimetinshe, jańa tarıf bıylǵy 1 qyrkúıekte engiziledi. Bul tarıf 2028 jylǵy 30 sáýirge deıin ózgermeıdi.
Taratý jelileri jáne magıstraldyq qubyrlarmen sý berý, Atyraý qalasy men Maqat aýdany boıynsha aǵyndy sýlardy burý jáne tazartý boıynsha retteletin qyzmetterge jańa tarıfter engizildi. Sýmen qamtýdyń baǵasy 22%‐ǵa, al káriz jelisiniń tarıfi 28% - ǵa artyp otyr.
«Tarıfterdiń kóterilýiniń basty sebebi – jalaqynyń tómendigine baılanysty kadrlardyń aýysýy. Bul kásiporynnyń turaqtylyǵy men kórsetiletin qyzmetterdiń sapasyna qaýip tóndiredi. Jańa tarıftiń esebinen óndiristik personaldyń ortasha jalaqysy 72%-ǵa artady. Al ákimshilik qyzmetkerlerdiń ortasha jalaqysy 9%-ǵa ósedi» - delingen «Atyraý oblysy Sý Arnasy» KMK aqparatynda.
Buryn turǵyndar úshin sýmen jabdyqtaýǵa arnalǵan tarıf bir tekshe metr úshin 89,23 teńge bolǵan. Endi bul 108,98 teńgege jetti. Sý burý tarıfi osy kezge bir tekshe metrge 34,75 teńge bolǵan. Atalǵan qyzmet quny 1 qyrkúıekten bastap 59,08 teńge bolady.
Eske sala ketelik, buǵan deıin Atyraý oblysynda elektr qýatynyń tarıfi 12,17 paıyzǵa óskenin habarlaǵan edik.
Sondaı-aq jylý baǵasy 22,5 paıyzǵa óskenin jazǵan bolatynbyz.
