Atyraýda munaı óńdeýshilerdiń 91 paıyzy vaktsına saldyrdy
«AMÓZ» JShS medıtsına ortalyǵynyń meńgerýshisi Galına Áýbekerovanyń aıtýynsha, zaýyt qyzmetkerleriniń 59%-y qashyqtan jumys isteý rejımine kóshken.
«Munaı óńdeý zaýytynyń aýmaǵynda COVID-19 ınfektsııasyna qarsy sharalardyń tolyq kesheni iske asyrylyp jatyr. Jumys ýaqytynda qyzmetkerler maska rejımin saqtaıdy. Ótkizý pýnktteri dene temperatýrasyn baqylaý júıesimen jabdyqtaldy. Barlyq keńsede dezınfektsııa júrgizý qolǵa alyndy. Ujymdyq ımmýnıtetti nyǵaıtý úshin COVID-19 ınfektsııasyna qarsy vaktsınany erikti túrde alý zaýyt aýmaǵynda ornalasqan medıtsınalyq ortalyqta júrgiziledi. Qazir zaýyt qyzmetkerleriniń 91 paıyzy vaktsınanyń eki komponentin saldyrdy. Al, revaktsınatsııadan ótý úshin QazVac, Vero Cell vaktsınalary jetkizildi. Zaýytta jumys isteıtin 60 jastan asqan adamdar, júkti áıelder men bala emizip otyrǵan analar erikti túrde Pfizer vaktsınasyn alady», -deıdi Galına Áýbekerova.
Zaýyttaǵy munaı jáne munaı ónimderin tereń kúkirtsizdendirý óndirisiniń bastyǵy Asqar Ermyshev alǵashqylardyń biri bolyp qaıta vaktsıanalaýdan ótken.
«Qazir álem elderinde koronavırýstyń «Omıkron» shtamy tarap jatyr. Sondyqtan, ózimdi, áriptesterimdi jáne jaqyndarymdy qorǵaý úshin qaıtadan ekpe aldym. Qaýipti indettiń taralýyn tejeý úshin vaktsına saldyrǵan jón», -deıdi Asqar Ermyshev.
Eske sala ketelik, budan buryn Atyraý oblysynda 20 qarashadan beri Pfizer vaktsınasyn 3 887 adam saldyrǵanyn jazǵan bolatynbyz.
