Atyraýda koronavırýs juqtyrǵandardyń deni – Teńiz kenishiniń jumysshylary

ATYRAÝ. QazAqparat – Atyraý oblysynda bir táýlikte koronavırýs juqtyrǵandardyń deni – Teńiz kenishiniń jumysshylary, dep habarlaıdy QazAqparat.

Oblystyq densaýlyq saqtaý basqarmasy baspasóz qyzmetiniń málimetine súıensek, ótken táýlikte 70 adamnan koronavırýs ınfektsııasy PTR-test arqyly rastalǵan.

Naýqastardyń basym kópshiligi Teńiz kenishiniń jumysshylary bolyp otyr. Munda 61 jumysshy aýyrǵan.

Al, Atyraý qalasynan 6 naýqas tirkelgen. Sondaı-aq, Qurmanǵazy aýdanynda - 2, Jylyoıda - 1 adam qaýipti vırýsqa shaldyqqan.

Koronavırýstyń sımptomdy túri 15 naýqastan anyqtalǵan.

«Sońǵy málimetke sáıkes, ótken táýlikte koronavırýs ınfektsııasynan 71 adam emdelip shyqty. Qazir úı jaǵdaıynda 397 adam emdelýdi jalǵastyrýda. Oblystyq ınfektsııalyq statsıonarda - 82, aýdandardaǵy statsıonarlarda - 30 patsıent emdelip jatyr. Al, Teńiz kenishindegi statsıonarǵa oqshaýlanǵan naýqastar sany 809 adamdy qurap otyr» dep habarlady basqarmanyń baspasóz qyzmetinen.

Eske sala ketelik, buǵan deıin bir táýlikte Teńiz kenishindegi naýqastar 81 adamǵa kóbeıgenin jazǵan bolatynbyz.