Atyraýda kóne ydystardyń kórmesi ashyldy

ATYRAÝ. QazAqparat - Atyraý oblystyq tarıhı-ólketaný mýzeıinde kórme ashyldy. Onda kelýshiler qazaq halqynyń aǵashtan jasalyp, terimen qaptalǵan kóne ydysyn tamashalady, dep habarlaıdy QazAqparat.

«Biz baǵzy zamanda túrli maqsattarǵa qoldanylatyn ydys túrlerin usynýǵa tyrystyq. Olardyń arasynda bas tabaq, ojaý, saba, keseqap sııaqty kóptegen ydystar bar. Qymyz quıýǵa arnalǵan kólemi ártúrli bolyp keletin torsyq ta bar. Bas tabaq degenimiz qonaqtyń eń syılysyna beriletin qoıdyń basyn salatyn úlken ydys. Eki shuńqyry bar ojaý qymyzdy keselerge quıyp jatqan kezdiń ózinde ony sapyrýǵa múmkindik beredi. Et pen baýyrsaqtarǵa arnalǵan ydystar múldem erekshe»,-deıdi mýzeı dırektory Rashıda Haresova.

Mýzeı jetekshisi ydys-aıaqtar dekoratıvti-qoldanbaly óner ǵana emes, sonymen qatar qazaq halqynyń tarıhy men dástúrleri deıdi.