Atyraýda keıbir mekteptiń jóndeý jumysy qyrkúıekke deıin aıaqtalmaıdy
Atyraý qalalyq bilim bólimi basshysynyń qarjy jáne ekonomıka jónindegi orynbasary Erlan Balmuhanovtyń aıtýynsha, 5 mekteptegi jóndeý jumystary shilde aıynda bastalǵan. Bul – №19, 22, 27, 31 jáne 13-mektep.
«Shartqa sáıkes jóndeý jumystarynyń merzimi 3,5 aıdan 6 aıǵa deıingi aralyqta júrgizilýi tıis. Máselen, №22, 31 jáne 13-mektepterdegi jumystardy 1 qyrkúıekke deıin aıaqtaýǵa múmkindik bar. Al, №19 jáne 27-mektepti jóndeý jumysynyń aýqymy úlken. Sol sebepten, bul bilim ordalarynyń oqýshylaryn ózge mektepterde ýaqytsha oqytý máselesi qaralyp jatyr», -dep habarlady Erlan Balmuhanov.
Onyń aıtýynsha, Atyraý qalasyndaǵy №30 mektep-gımnazııasyndaǵy jóndeý jumystaryn 2024 jyly júrgizý josparlanǵan.
«Qazir atalǵan mektep-gımnazııa ǵımaratynda júrgiziletin jóndeý jumystarynyń jobasy ázirlenip, memlekettik saraptamaǵa berildi. Jóndeýdi kelesi oqý jylyna deıin aıaqtaý kózdelgen. Sol sebepten, bıylǵy kúzde jóndeýdi bastaýdy josparlap otyrmyz. Jóndeý jumystary kezinde bastaýysh synyp oqýshylary qyzdarǵa arnalǵan túrik lıtseıiniń, 5-11 synyp oqýshylary eki kolledjdiń ǵımaratynda oqıdy. Bul oqý oryndaryndaǵy kabınetter daıyndalyp, ınteraktıvti taqtalar men oqý úderisine qajetti barlyq jabdyq ornatylyp jatyr», -dep málim etti Erlan Balmuhanov.
Bastaýysh synyptardaǵy oqýshylardy ystyq tamaqpen qamtý kózdelgen. Qazir áleýetti jetkizýshilerdi anyqtaý úshin konkýrs jarııalanǵan. Al, oqýlyqtar 8 tamyzda jetkiziledi.
Eske sala ketelik, Atyraýda tóbesi tesik mekteptiń bastaýysh synyp oqýshylary onlaın oqýǵa jiberilgenin jazǵan edik.
Atyraý oblysy ákiminiń orynbasary Jasulan Bısembıevtiń málimetinshe, №30 mektep-gımnazııasynyń shatyrynan 2007 jyldan beri sý aǵady. Mundaı jaıt bıyl taǵy qaıtalandy.
Bilim ordasynda 54 kabınet bar. Shatyrdan aqqan sýdan 40 kabınet jaramsyz bolyp qalǵan.
