Atyraýda kásipkerlerge ákimshilik kedergi jasalǵan
Bul týraly Sybaılas jemqorlyqqa qarys is-qımyl agenttiginiń Atyraý oblystyq departamenti men «Atameken» UKP óńirlik óńirlik fılıalyna ótinish túsken.
«Kásipkerlik sýbektisi kir sabyn jáne jýǵysh zattar óndirisin keńeıtýdi kózdegen. Sol sebepten kásipkerlik nysan ıesi qoıma men tseh salý úshin Atyraý qalasynyń jer qatynastary, sáýlet jáne qala qurylysy bóliminen sáýlet-josparlaý tapsyrmasyn almaq bolǵan. Atalǵan bólimniń laýazymdy qyzmetkerleri sáýlet-josparlaý tapsyrmasyn berýden zańsyz bas tartqany anyqtaldy. Al laýazymdy qyzmetker QR Ákimshilik quqyq buzýshylyq týraly kodeksiniń 465-babymen ákimshilik jaýapkershilikke tartyldy», -dep habarlady oblystyq departamenttiń baspasóz qyzmeti.
Osyǵan baılanysty Atyraý qalasynyń jer qatynastary, sáýlet jáne qala qurylysy bólimine sáýlet-josparlaý tapsyrmasyn berý týraly usynys joldandy. Qazir bul másele oń sheshimin tapty.
Sondaı-aq taǵy bir kásipkerlik sýbektisi memlekettik satyp alý salasyndaǵy ákimshilik kedergige baılanysty júgingen.
«Memlekettik satyp alý qorytyndysynyń hattamasyna sáıkes kásipkerlik sýbektisi tapsyrys berýshi JShS bolyp tabylatyn kabeldik arnany jetkizý boıynsha jeńimpaz bolyp tanylǵan. Alaıda JShS kásipkerlik sýbektisine kelisim jobasyn jibermegen. Bul «Memlekettik satyp alý týraly» zańnyń normalaryna qaıshy keledi. Sol sebepten JShS kelisim jobasyn jasaý boıynsha sharalar qabyldaýǵa qatysty usynys berildi. Nátıjesinde JShS tarapynan veb-portal arqyly kelisimshart jobasy jiberilip, taraptar kelisimshartqa otyrdy», - dep málim etti departamenttiń baspasóz qyzmetinen.
Eske sala ketelik, budan buryn Atyraýda ákimdik qyzmetkerleri kásipkerdiń jer telimin keńeıtýden bas tartqanyn jazǵan edik.