Atyraýda Izraılden kelgen dárigerler bir kúnde segiz ota jasady

ATYRAÝ. QazAqparat – Atyraýda Izraıldan kelgen dárigerler bir kúnde segiz ota jasady, dep habarlaıdy QazAqparat.

Oblystyq densaýlyq saqtaý basqarmasy baspasóz qyzmetiniń aqparatyna súıensek, búgin, 26 qazanda Izraıl dárigerleri oblystyq perınataldyq ortalyqta segiz ota jasaǵan.

«Izraılden kelgen 3 dáriger kesar tiligimen 7 akýsherlik jáne bir gınekologııalyq otany sátti ótkizdi. Sondaı-aq, olar modýldik aýrýhananyń ınfektsııalyq statsıonaryndaǵy patsıentterge keńes berip, kúrdeli otaǵa qatysty. Sheteldik dárigerler júkti áıelderdi bosandyrýǵa qatysty shuǵyl sharalarǵa qatysýǵa nıet etip otyr», - dep habarlady basqarmanyń baspasóz qyzmeti.

Eske sala ketelik, buǵan deıin Atyraý oblysynda bıyl 16 ana ólimi tirkelgenin jazǵan bolatynbyz.