Atyraýda esirtki tasymaldaýmen aınalysqan Nıgerııa azamaty ustaldy
Oblystyq polıtsııa departamentiniń baspasóz qyzmetinen málim etkendeı, Atyraýda Nıgerııa Federaldyq Respýblıkasynyń azamaty sıntetıkalyq esirtki zattaryn saqtaý jáne tasymaldaýmen aınalysyp kelgen.
«Polıtsııa departamentine qarasty esirtki qylmysyna qarsy is-qımyl basqarmasynyń qyzmetkerleri Ulttyq qaýipsizdik komıtetiniń Atyraý oblysy boıynsha departamentimen birlese júrgizgen «Qarasora-2022» jedel aldyn alý is-sharasy kezinde nıgerııalyq 1998 jylǵy azamattyń esirtki tasymaldaýmen aınalysqanyn anyqtady. Shetel azamaty aıǵaq zattarmen ustaldy. «Shevrolet cruze» markaly avtokóligin tintý kezinde árqaısysy bólek taspaǵa oralǵan 5 dana polıetılen qap tárkilendi. Saraptama nátıjeleriniń qorytyndysymen tárkilengen zattyń jalpy salmaǵy 5 gr «mefedron» sıntetıkalyq esirtkisi ekendigi anyqtaldy», dep habarlady departamenttiń baspasóz qyzmeti.
Qazir ustalǵan kúdikti Atyraý qalasyndaǵy ýaqytsha ustaý ızolıatoryna qamaýǵa alyndy.
Sheteldik esirtki tasymaldaýshyǵa qatysty QR Qylmystyq kodeksiniń 296-babynyń 4-bóligi boıynsha sotqa deıingi tergeý amaldary júrgizilip jatyr.
Eske sala ketelik, buǵan deıin Atyraýda kóligimen 17 keli marıhýana tasymaldaǵan júrgizýshi qamaýǵa alyn bolatyn.
Tártip saqshylary «Qarasora» jedel aldyn alý sharasy kezinde «Atyraý-Aqtóbe» tasjolynyń 30-shaqyrymynda «Toyota Ipsum» markaly kólikti toqtatqan.
Kólikti tekserý kezinde jalpy salmaǵy 17 keli tartatyn marıhýana tabylǵan. Esirtki zaty tárkilendi.
