Atyraýda eki turǵynnyń kóliginen 364 kıik múıizi tárkilendi
Oblystyq polıtsııa departamenti baspasóz qyzmetiniń málimetinshe, krımınaldyq polıtsııa basqarmasy men balyq qoryna qylmystyq qol suǵýshylyqpen kúres bóliminiń qyzmetkerleri jedel-izdestirý is-sharasyn júrgizgen.
«Іs-shara kezinde Atyraý qalasyna taıaý ornalasqan «Geolog» yqshamaýdanyndaǵy kópqabatty úılerdiń biriniń aýlasynda turǵyn eki kóliktiń ishinen 364 dana kıik múıizi tárkilendi. «VAZ-21014» avtokóliktiń birinen 200 dana kıik múıizi men quqyq qorǵaý organynda tirkelmegen qos uńǵyly «TOZ-16» markaly ańshy myltyǵy tabyldy. Al, ekinshi kólikte 164 dana kıik múıizi men ruqsat qujattary joq 4,5 kalıbrli «Baıkal MR-512» markaly qarý bary anyqtaldy» -dep habarlady departamenttiń baspasóz qyzmetinen.
Qazir kúdiktiler – Isataı aýdany men Atyraý qalasynyń 23 jastaǵy eki turǵynyna qatysty QR Qylmystyq kodekstiń 339-baby, 1-bóligimen sotqa deıingi tergep-tekserý amaldary júrgizilip jatyr.
Eske sala ketelik, buǵan deıin atyraýlyq turǵynnyń úıinen 106 kıik múıizi tárkilengen
bolatyn.