Atyraýda dinı birlestik ókilderi karantın kezinde jıyn ótkizgen

ATYRAÝ. QazAqparat –Atyraýda dinı birlestik kóp adam jınap, basqosý ótkizgen, dep habarlaıdy QazAqparat.

«Svıatost» dinı birlestigi Atyraý yqshamaýdanyndaǵy eki qabatty úıde 40-qa jýyq adamdy jınap, dinı shara ótkizgeni anyqtaldy. Jınalǵan adamdarmen dastarhan basynda otyrys uıymdastyrǵan. Birlestik ákimshiligine qatysty anyqtalǵan zańbuzýshylyq boıynsha jınaqtalǵan qujattar Atyraý qalalyq taýarlar men kórsetiletin qyzmetterdiń sapasy men qaýipsizdigin baqylaý basqarmasyna joldanyp, QR Ákimshilik quqyqbuzýshylyq týraly Kodeksiniń 425-babynyń 1-bóligine sáıkes ákimshilik shara alyndy» -dep habarlady oblystyq Polıtsııa departamentiniń baspasóz qyzmeti.

Eske sala ketelik, budan buryn Atyraýda úsh meıramhanada dúrkiretip toı jasaǵandar anyqtalǵan bolatyn.