Atyraýda destrýktıvti dinı aǵym ókili 6 jylǵa sottaldy
Oblystyq polıtsııa departamenti baspasóz qyzmetiniń máimetinshe, bıylǵy mamyrda Ekstremızmge qarsy kúres basqarmasynyń qyzmetkerleri destrýktıvti dinı aǵymdardyń biriniń 32 jastaǵy jaqtaýshysyn ustaǵan. Polıtseıler ony sıntetıkalyq esirtki satqany úshin qolǵa túsirgen.
«Biraq bul oǵan taǵylǵan jalǵyz aıyp emes. Tergeý deregine súıensek, er adam DAISh tobynyń sodyrlaryna qosylýdy josparlap, birneshe ret tanystarymen terrorızmdi nasıhattaýmen aınalysqan», deıdi oblystyq polıtsııa deparatmenti basshysynyń orynbasary, polıtsııa polkovnıgi Nurhat Kenjebaıuly.
Onyń aıtýynsha, sot psıhologııalyq-fılologııalyq saraptamasynyń qorytyndysyna sáıkes, teris dinı aǵym ókiliniń málimdemelerinde qarýly jıhad túrinde terrorızmdi nasıhattaýǵa baǵyttalǵan belgiler bolǵan.
Sotqa deıingi tergeý barysynda er adam kinásin moıyndap, is júrgizý kelisimin jasasýǵa nıet bildirgen. Keıinnen sot ony QR Qylmystyq Kodekstiń eki babymen (Esirtkini saqtaǵany jáne satqany, sondaı-aq telekommýnıkatsııalyq jelilerdi paıdalanyp, terrorızmdi nasıhattaǵany úshin) kináli dep tapty.
Kináni moıyndaý, jasalǵan is júrgizý kelisimin eskere otyryp, qylmysker 6 jylǵa bas bostandyǵynan aıyryldy.
