Atyraýda brakonerlerden 2 tonnadan astam bekire tárkilendi

ATYRAÝ. QazAqparat –Atyraý oblysynda brakonerlerden 2 tonnadan astam bekire tuqymdas balyq tárkilendi, dep habarlaıdy QazAqparat.

«10 qyrkúıek-31 qazan aralyǵynda ótken «Bekire-2020» sharasy aıasynda 174 quqyq buzýshy ustaldy. Olardan 2 tonna 645 kg balyq, Onyń ishinde 2 tonna 31 keli bekire tuqymdas balyq tárkilendi. Budan basqa, 2 kılogramm qara ýyldyryq, 162 aýlaý, 9 júzý quraly (onyń ishinde alty «baıda» tıpti qaıyq) alyndy. Olarǵa qatysty 8 qylmystyq is qozǵaldy» - dedi Polıtsııa departamenttiń baspasóz qyzmeti.

Sondaı-aq, balyq aýlaý erejelerin buzǵany úshin (QR Ákimshilik quqyqbuzýshylyq týraly Kodeksiniń 383-baby) 158 hattama toltyrylyp, onyń jeteýi sotqa qaraýyna jiberilgen. Balyq qoryna zańsyz qol suǵýshylarǵa jalpy somasy 2,1 mln teńgeni quraǵan aıyppul salynyp, onyń 944 myń teńgesi óndirilgen.

Eske sala ketelik, budan buryn Atyraýda balyq qorǵaý zańnamasyn buzǵandarǵa 20 mln teńgeden astam aıyppul salynǵanyn habarlaǵan bolatynbyz.