00:10, 15 Sáýir 2020 | GMT +5
Atyraýda brakonerler ınspektorlarǵa qarsylyq kórsetip, mototsıkldi órtep jibergen
ATYRAÝ. QazAqparat –Atyraý oblysynda balyq qoryn zańsyz aýlaýshylardan qorǵaıtyn ınspektorlarǵa belgisiz bireýler qarsylyq tanytyp, mototsıkldi órtep jibergeni týraly vıdeo tarady, dep habarlaıdy QazAqparat.

Áleýmettik jeliler men messendjerde taraǵan vıdeoda oqıǵanyń 14 sáýirde bolǵany aıtylǵan. Tórt jigit ınspektorlarǵa qarsylyq tanytyp, bireýi mototsıkldi órtep
jibergen.
Oqıǵa Jaıyq ózeni saǵalarynyń biriniń jaǵasynda bolǵan. Órtenip jatqan mototsıkldiń janynda balyq shashylyp jatyr.
«Polıtsııa qyzmetkerleri áleýmettik jelilerde taratylǵan vıdeodaǵy balyq qorǵaý ınspektsııasy qyzmetkerlerine baǵynbaǵan belgisiz azamattardy anyqtady. Qazir QR Qylmystyq Kodeksiniń 335-baby (Balyq resýrstaryn, basqa sý janýarlaryn zańsyz alý) jáne 379-babymen (Bılik ókiline baǵynbaý) sotqa deıingi tergeý júrip jatyr» -dep habarlady Atyraý oblystyq polıtsııa departamentiniń baspasóz qyzmeti.