Atyraýda aýrýhananyń klınıkalyq-dıagnostıkalyq bólimshesi jumysyn qaıta bastady
Munaıly óńirde oblystyq sanaty bar emdeý mekemesiniń qatarynda №2 aýrýhana da bar. Aýrýhana dırektorynyń mindetin atqarýshy Nadıa Erǵalıevanyń aıtýynsha, 2020 jyldan beri koronavırýs ınfektsııasynyń taralýyna baılanysty bólimshe emdelýshilerge qyzmet kórsetpegen.
«Aýrýhanadaǵy klınıkalyq-dıagnostıkalyq bólimshe zamanaýı medıtsınalyq jabdyqtarmen qamtylǵan. Qazir emdelýshilerge qaıtadan qyzmet kórsetýdi bastady. Bólimshede ınfektsıonıst, endokrınolog, nevropatolog, terapevt, allergolog, hırýrg konsýltatıvtik keńes beredi. Budan basqa kompıýterlik tomografııa, bakterıo-serologııalyq zerthana, klınıkalyq-dıagnostıkalyq zerthana, FGDS, ýltradybystyq zertteý kabıneti bar. Keıbir naýqastarǵa qajet bolǵan jaǵdaıda laboratorııalyq saraptama júrgiziledi», - deıdi Nadıa Erǵalıeva.
Eske sala ketelik, buǵan deıin Atyraýda eki kún qatarynan eshkim koronavırýs juqtyrmaǵanyn jazǵan bolatynbyz.
