Atyraýda áskerıler 50 lıtr qan tapsyrdy
«Batys» óńirlik qolbasshylyǵy baspasóz qyzmetiniń habarlaýynsha, jergilikti aýrýhanalardaǵy aýyr naýqastar úshin qan tapsyrýǵa 100-den astam áskerı qyzmetker keldi. Olardyń basym bóligi alǵash ret donorlyq qan tapsyrýǵa qadam jasady.
«Protsedýradan buryn ár donor qan tobyn anyqtaý úshin aldyn-ala zerthanalyq tekserýden ótti. Saýalnamalar men derek qujattaryn toltyryp, dárigerlermen áńgimelesti. Donorlyq qan apattardan zardap shekkenderge, qaladaǵy aýrýhanalarda jatqan naýqastarǵa shuǵyl medıtsınalyq kómek kórsetý úshin paıdalanylady» -deıdi «Batys» óńirlik qolbasshylyǵynyń medıtsınalyq qyzmet ofıtseri, maıor Abror Isahodjaev.
«Batys» óńirlik qolbasshylyǵynyń baspasóz hatshysy Rústem Igisinovtiń aıtýynsha, áskerı qyzmetkerlerdiń bir mezgilde tapsyrǵan qany 50 lıtrge jýyqtady.
