Atyraýda asa iri mólsherde psıhotroptyq zattardy saqtaǵan qaraǵandylyq 10 jylǵa sottaldy
Atyraý oblystyq polıtsııa departamentiniń baspasóz qyzmetinen málim etkendeı, esirtki saqtaǵan kúdikti bıylǵy qyrkúıekte ustalǵan.
«Esirtki qylmysyna qarsy is-qımyl basqarmasynyń qyzmetkerleri qyrkúıekte qoǵamdyq qaýipsizdik pen tynyshtyqty qamtamasyz etý, qylmystyq áreketterdiń aldyn alý úshin júrgizilgen jedel-profılaktıkalyq shara kezinde esirtki, psıhotropty zattardy saqtaýmen aınalysqan Qaraǵandy oblysy týmasynyń zańsyz áreketin áshkereledi. Kúdikti qylmystyq áreketin iske asyrý maqsatynda 2021 jyldyń qazan aıynda Atyraý qalasyna kelgen. Keıin qala aýmaǵynda esirtki men psıhotroptyq zattardy Telegram messendjeri arqyly belgisiz tulǵadan satyp alyp, ekinshi jerge jasyryp júrgen. Onyń turǵylyqty meken-jaıyn tintý kezinde psıhotroptyq zattardy oraý materıaldary, shyny qutylar, elektrondyq tarazy men tútiksheler tabylyp, tárkilendi», -dep habarlady departamenttiń baspasóz qyzmeti.
Atyraý oblystyq qylmystyq ister jónindegi mamandandyrylǵan aýdanaralyq sotynyń úkimimen Qaraǵanda oblysynyń turǵyny QR Qylmystyq kodeksiniń 297-babynyń 3-bóligimen qylmystyq áreketti jasaǵany úshin kináli dep tanyldy. Oǵan 10 jylǵa bas bostandyǵynan aıyrý jazasy taǵaıyndaldy.
Eske sala ketelik, budan buryn Atyraýda esirtkige elitken júrgizýshi áıeldiń sómkesinen psıhotropty dáriler tabylǵanyn jazǵan bolatynbyz.
Ózbekstan Respýblıkasynyń azamatshasy kólikti esirtkige elitken kúıde júrgizgen. Tekserý kezinde áıeldiń qol sómkesinen 34 dana psıhotroptyq dári-dármek tabylǵan. Qazir tergep-tekserý amaldary júrip jatyr.
