Atyraýda 4 adamdy aldap, 5,4 mln teńgesin ıemdengen alaıaq áıel ustaldy
Atyraý oblystyq polıtsııa departamentiniń baspasóz qyzmetinen málim etkendeı, alaıaqtyq kúdigine ilingen áıeldiń jasy – 45-te.
«Polıtsııa qyzmetkerleri turǵyndardy aldap-arbaý amaldaryn qoldanyp, senimine kirý arqyly bótenniń múlkin jymqyrýdyń jolyn kesýge baılanysty is-sharalardy jalǵastyryp keledi. Alaıda, júrgizilgen túsindirý jumystary men eskertýlerge qaramastan, turǵyndardyń alaıaqtarǵa aldanyp qalý deregi azaıar emes. Máselen, 23 qarasha-3 jeltoqsan aralyǵynda 45 jastaǵy áıel Atyraý qalasynyń 1988 jylǵy turǵynynan 6 dana Iphone 13 Pro uıaly telefonyn arzan baǵaǵa alyp berý úshin 2 mln 196 myń teńge, 31 jastaǵy turǵynnan turmystyq tehnıka úshin 1 mln 598 myń 500 teńge, 1995 jylǵy turǵynnan Iphone 13 Pro telefony úshin 498 000 teńge, 2004 jylǵy turǵynnan 3 dana Iphone 13 Pro telefony úshin 1 mln 174 myń teńgeni alaıaqtyq jolmen ıemdenip alǵan. Jedel-izdestirý is-sharasyn júrgizgen polıtsııa qyzmetkerleri 45 jastaǵy kúdikti áıeldi anyqtap, ustady», -dep habarlady departamenttiń baspasóz qyzmeti.
Qazir alaıaqtyq kúdigine ilingen 1977 jylǵy áıelge qatysty QR Qylmystyq kodeksiniń 190-babynyń 3-bóligimen sotqa deıingi tergep-tekserý bastaldy.
Eske sala ketelik, budan buryn Atyraý oblysynyń polıtseıleri izdeýde júrgen 80 qylmyskerdi ustaǵanyn habarlaǵan bolatynbyz.
