Atyraý jurtshylyǵy Denıs Tenmen qoshtasyp jatyr

ATYRAÝ. QazAqparat - Búgin Muz saraıynda Atyraý jurtshylyǵy Sochı Olımpıadasynyń qola júldegeri, mánerlep syrǵanaýshy Denıs Tenmen qoshtasty, dep habarlaıdy QazAqparat tilshisi.

Sportshymen qoshtasýǵa sport federatsııasynyń ókilderi, jas mánerlep syrǵanaýshylar men qala turǵyndary men qonaqtary qatysty. Jınalǵan jurtshylyq ataqty sportshy Denıs Tendi tebirene eske alyp, jaqyndary men týǵan-týystaryna qaıǵyryp, kóńil aıtty.

«Keshe qazaq sporty orny tolmas aýyr qazaǵa ushyrady. Denıs Ten qysqa ǵana ǵumyrynda esimin álem sportynda máńgi jazyp qaldyrdy. Onyń erligi eshqashan umytylmaıdy. Denısimiz endi qaıtyp oralmaıdy, biraq bizdiń jas mánerlep syrǵanaýshylaramyz sáýir aıynda qalamyzda Denıspen ótken sheberlik saǵatyn árdaıym maqtanyshpen eske alatyn bolady», - dedi dene shynyqtyrý jáne sport basqarma basshysy mindetin atqarýshy Nurjaýǵan Tóleýova.

Búgin keshke deıin Atyraý jurtshylyǵy Muz saraıynynyń aldynda gúl shoqtaryn qoıyp, arnaıy ornatylǵan ekrannan onyń eń jarqyn sátterinen túsirilgen beınelerdi tamashalaı alady.