Atyraý turǵyny Teńiz kenishine jumysqa turǵyzam dep 6 adamnan aqsha alǵan

ATYRAÝ. QazAqparat – Atyraý qalasynyń turǵyny mańǵystaýlyqty Teńiz kenishindegi mekemege jumysqa ornalastyramyn dep aldaǵan, dep habarlaıdy QazAqparat.

Oblystyq polıtsııa departamenti baspasóz qyzmetiniń aqparatyna qaraǵanda, atyraýlyq 31 jastaǵy turǵynnyń alaıaqtyqpen baılanysty 6 derekke qatysy bolǵan.

«Mańǵystaý oblysynyń Beıneý aýdandyq polıtsııa bóliminen 8 qarashada Atyraý qalalyq polıtsııa basqarmasyna alaıaqqa aldanǵan turǵyndardyń is-qujattary tústi. Jábirlenýshilerdiń barlyǵy Jylyoı aýdanynda ornalasqan Teńiz ken ornyndaǵy iri mekemege jumysqa kirmek bolǵan. Olardy jumysqa ornalastyryp beremin dep aldaǵan Atyraý qalasynyń 31 jastaǵy turǵyny ár túrli sommadaǵy aqshany óziniń esepshotyna aýdartyp alǵan. Atyraýlyq polıtseıler jedel-izdestirý jumystaryn júrgizip, ony ustady. Tergeý kezinde kúdiktiniń osyndaı 6 derekke qatysy bary anyqtaldy», - dep habarlady departamenttiń baspasóz qyzmeti.

Qazir ustalǵan alaıaqqa qatysty QR Qylmystyq kodeksiniń 190-babynyń 3 bóligimen (alaıaqtyq) qozǵalǵan qylmystyq is tirkeldi.

Sotqa deıingi tergep-tekserý bastaldy.

Eske sala ketelik, budan buryn Atyraý polıtseıleri ózgeniń atynan onlaın nesıe rásimdegen kúdiktini ustaǵan bolatyn.