Atyraý turǵyny eki jyldan beri alaıaqtan 1,3 mln teńgesin qaıtara almaǵan
Oblystyq polıtsııa departamentiniń baspasóz qyzmeti taratqan aqparatqa qaraǵanda, 3 qarasha kúni №2 qalalyq polıtsııa bólimine 24 jastaǵy turǵyn shaǵym túsirgen.
«Jábirlenýshi aryzynda 2019 jylǵy 4 tamyzda 32 jastaǵy azamatshanyń Bereke móltek aýdanynan eki bólmeli páter alyp beremin dep, 1 mln 350 myń teńgesin alǵanyn kórsetken. Sodan beri páterdi de almaǵan, alaıaqqa bergen aqshasyn da keri qaıtarmaǵan. Polıtsııa qyzmetkerleri jedel izdestirý jumystaryn júrgizý kezinde 1989 jylǵy áıeldi ustady. Tekserý barysynda 32 jastaǵy azamatshanyń ústinen buryn 11 adamnyń alaıaqtyq qylmysy úshin aryzdanǵandyǵy belgili boldy» -dep habarlady departamenttiń baspasóz qyzmeti.
Qazir atalǵan derekke qatysty QR Qylmystyq Kodeksiniń 190-babynyń 3-bóligimen (Birneshe ret jasalǵan alaıaqtyq) qylmystyq is qozǵalyp, tergeý júrgizilip jatyr.
Eske sala ketelik, budan buryn Atyraýda ózin bank qyzmetkerimin degen alaıaq Atyraý turǵynynyń 1,5 teńgesin jymqyrǵanyn jazǵan edik.
