Atyraý turǵyndarynyń 40 mln teńgesin ıemdengen alaıaq Almatydan ustaldy
Oblystyq polıtsııa departamentiniń baspasóz qyzmetinen málim etkendeı, Atyraý turǵyny alaıaqqa aldanyp, 400 myń teńgesinen aıyrylǵany týraly shaǵym túsirgen.
«Polıtsııa qyzmetkreleri atalǵan derekke baılanysty jedel izdestirý is-sharasyn júrgizdi. Atalǵan qylmysqa kúdikti Qaraǵandy oblysynyń 1987 jylǵy týmasy anyqtaldy. Ol ekinshi deńgeıli bankter arqyly taýarlyq nesıeler alyp berýge ýáde etip, adamdardyń senimine kirgen. Sóıtip, qarajatty qaltasyna basqan. Kúdiktiniń budan ózge Atyraý oblysynyń 40 turǵynyn aldap, 40 mln teńgege jýyq zalal keltirgeni anyqtaldy», -dep habarlady departamenttiń baspasóz qyzmeti.
Qazir atalǵan derekke baılanysty kúdiktige qatysty QR Qylmystyq kodeksiniń 190-babynyń 3-bóligimen sotqa deıingi tergeý bastaldy.
Kúdikti Almaty qalasynda ustalyp QR Qylmystyq-protsestik kodeksiniń 128-babyna sáıkes ýaqytsha ustaý ızolıatoryna qamaýǵa alyndy.
Buǵan deıin Atyraýda 20 adamdy aldaǵan alaıaqqa qatysty tergeý júrip jatqanyn habarlaǵan edik.
Kúdikti retinde ustalǵan aqtqbelik áıel OLX qosymshasy arqyly Atyraý qalasyndaǵy birneshe shaǵyn aýdanda páterleri bar ekenine sendirgen. Jalǵa beriletin páter úshin kelisken somanyń 50 paıyzyn aldyn ala tóleýdi ótinip, ulynyń jeke esepshotyna aýdartyp otyrǵan.
Krımınaldyq polıtsııa basqarmasynyń qyzmetkerleri kúdikke ilingen 1980 jylǵy áıelge qatysty 20 derek dáleldedi. Alaıaqqa aldanǵandardyń arasynda 9 atyraýlyq bar. Budan bólek Nur-Sultan, Taraz, Almaty, Qaraǵandy, Qostanaı qalasy men Shyǵys Qazaqstan oblysynyń turǵyndaryn da san soqtyrǵan. Osyǵan baılanysty 11 derek anyqtalǵan.
