Atyraý sportshylary Ýnıversıadaǵa alǵash ret qatysady

ATYRAÝ. QazAqparat -  Atyraý oblysynyń sportshylary osy jyly elde ótetin Ýnıversıadaǵa alǵash ret qatysady.

Olardyń ishinde eń tanymal sportshy 21 jastaǵy Denıs Nıkısha, ol short-trekte Qazaqstan namysyn qorǵaıdy. Denıs - Sochıdegi qysqy Olımpıada qatysýshysy,  2014 jylǵy jastar arasyndaǵy álem chempıonatynyń qola medal ıegeri, sondaı-aq Koreıadaǵy álem kýbogy 4-shi kezeńiniń kúmis júldegeri. Qostanaı oblysynda týǵan sportshy 2015 jyldan bastap Atyraýdyń atynan shyǵyp júr.

Short-trekte jerlesimiz 19 jastaǵy Olga Tıhonova medal úshin baq synasatyn  bolady. Jastyǵyna qaramastan boıjetken  jastar arasyndaǵy álem chempıonatynyń, álem kýbogynyń qatysýshysy, halyqaralyq jarystardyń júldegeri atandy.

Iong A Kım Atyraý atynan Qazaqstannyń namysyn qorǵaıtyn bolady. Ol - short-trek boıynsha eldiń qazirgi chempıony, Azııa chempıonatynyń júldegeri.