Atyraý oblysynyń turǵyndary kólemi 272,9 mln teńge bolatyn salyǵyn tólemeı júr
Atyraý oblystyq memlekettik kirister departamentiniń baspasóz qyzmetinen málim etkendeı, kólik salyǵyn tólemeı júrgen 5 265 júrgizýshi anyqtalyp otyr.
«Atyraý oblysynyń turǵyndary arasynda jyljymaıtyn múlik pen kólik úshin salyq bereshegin tóleýge salǵyrt qaraıtyndar azaıar emes. Mundaı úrdis salyq tóleý jaýapkershiliginiń joqtyǵynan týyndaıdy. Máselen, 5 265 júrgizýshi kólik salyǵyn tólemeı júr. Olardyń salyqqa qaryzy 272,9 mln teńgeni qurap otyr. Salyq bereshegin tólemegen turǵyndar ásirese, Atyraý qalasynda, Jylyoı men Qurmanǵazy aýdanynda anyqtalyp otyr», -dep habarlady departamenttiń baspasóz qyzmeti.
Departament qyzmetkerleri jyl basynan beri polıtseıler jáne jeke sot oryndaýshylarymen birlesken reıd uıymdastyryp, 38 mln teńge salyq bereshegin óndirgen.
«Atyraý qalasyndaǵy birlesken reıd kezinde 50-ge jýyq avtokólik ıesi anyqtaldy. Reıdtik top músheleri 1,5 mln teńgege jýyq salyq bereshegin óndirip alýǵa yqpal etti. Máselen, «Toyota Hilux» kóligi úshin 1 mln 530 myń 425 teńge salyq bereshegin tólemegen júrgizýshi ustaldy. Qazir avtokólik aıyppul turaǵyna qoıyldy», -dep málim etti departamenttiń baspasóz qyzmetinen.
Endi osyndaı birlesken reıdtik is-sharany Jylyoı jáne Qurmanǵazy aýdanynda ótkizý josparlanyp otyr.
Eske sala ketelik, budan buryn atyraýlyqtar kólikke 355 mln teńge salyq tólemegenin habarlaǵan bolatynbyz.