Atyraý oblysynyń ákimi Jaıyq sýyn tıimdi paıdalaný týraly aıtty

NUR-SULTAN. QazAqparat – Atyraý munaı óńdeý zaýyty Jaıyq sýynyń ornyna káriz tazartý ǵımaratynan shyqqan sýdyń óńdep paıdalanýy múmkin. Bul týraly oblys ákimi Mahambet Dosmuhambetov ortalyq kommýnıkatsııalar qyzmetinde ótken brıfıngide aıtty, dep habarlaıdy QazAqparat tilshisi.

«Atyraý munaı óńdeý zaýyty tehnologııalyq protseske Jaıyqtyń sýyn paıdalanady. Baǵana aıtyp kettim. Biz zaýytpen tıisti jumystardy júrgizip jatyrmyz. Olar káriz tazartý ǵımaratynan shyqqan sýdy tazartyp paıdalaný jobasyn qolǵa alyp jatyr. Zaýyt úlken, birneshe protsesi bar. Olar kez kelgen sýdy paıdalanbaıdy. Ózderiniń talaptary bar. Qazir sýdyń sapasyn sol talaptarǵa sáıkestendirip, úılesimdi bolsa, zaýytqa paıdalanýǵa bolady degen ózara aldyn ala túsinistik bar. Onyń bári sáıkes bolǵanda jumysty uıymdastyramyz dep otyrmyz», - dedi aımaq basshysy.

Atalǵan sharada Mahambet Dosmuhambetov táýelsizdik jyldary Atyraý oblysyna 31 trln teńge ınvestıtsııa tartylǵanyn atady.

táýelsizdik jyldary oblysta 2 200 shaqyrymnan astam avtomobıl joly salynyp, jóndeldi. Oblys turǵyndarynyń tabıǵı gazben qamtamasyz etilýi 12%-dan 99,7%-ǵa deıin, ortalyqtandyrylǵan sýmen jabdyqtaý 35%-dan 99,3%-ǵa deıin ósti.

Osy kezeńde oblys halqynyń sany bir jarym ese artyp, taıaýdaǵy sanaqtyń qorytyndysy boıynsha 665 myń adamǵa jetti», - dedi ákim.