Atyraý oblysynda jaryq jandy

ATYRAÝ. QazAqparat - Atyraý oblysynyń ákimdigi aımaqta jaryq janǵanyn málimdedi, dep habarlaıdy QazAqparat.

«21:30-daǵy jaǵdaı boıynsha Atyraý oblysynda elektr energııasyn berý tolyq qalpyna keltirildi», - dep jazdy vedomstvodan.

Aıta keteıik, buǵan deıin Atyraýda birneshe shaǵynaýdanda jaryq sónip qalǵanyn jazǵan bolatynbyz.

Artynsha, jergilikti energetıkalyq keshenniń baspasóz qyzmeti elektr qýatynyń óshý sebebin aıtty.

«Mańǵystaý atom energetıkalyq kombınatynyń №1 energııa blogynyń apattyq jaǵdaıda ajyratylýyna baılanysty jıiliktiń tómendeýi baıqaldy. Osyǵan baılanysty Atyraý oblysynyń elektr stantsııalary oqshaýlanǵan jumys rejımine kóshti. Bul rejım «Teńizshevroıl», NCOC kompanııalary men «Atyraý jylý-elektr ortalyǵy» AQ-da iske qosyldy. Al, Atyraý qalasynyń sol jaq jaǵalaýyndaǵy Damby aýylynan ortalyqtaǵy shaǵynaýdandar men Talǵaırań eldimekenine deıingi aralyǵy elektr jaryǵymen tolyq qamtyldy. Qazir «Atyraý jylý-elektr ortalyǵy» AQ-dan shyǵatyn 35 kV jelisi qosyldy. Endi Atyraý qalasynyń qosalqy stantsııasynan shyǵatyn fıderler qosylady», - dep málim etti energetıkalyq keshenniń baspasóz qyzmetinen.