Atyraý oblysynda sekseýil qum kóshkinine tosqaýyl bolady

ATYRAÝ. QazAqparat - Atyraý oblysynyń eki aýdanyndaǵy aýyldardy qum kóshkininen qorǵaý úshin sekseýilder otyrǵyzylyp jatyr, dep habarlaıdy «QazAqparat» HAA tilshisi.

«Qum basyp qalýynyń aldyn alý jumystary Isataı aýdanynyń Isataı aýylynda jáne Qyzylqoǵa aýdanynyń Jasqaırat, Mııaly aýyldarynda júrgiziledi. Sekseýil otyrǵyzýǵa shamamen 40 mln teńge bólindi. Baǵdarlama memlekettik saraptamanyń oń nátıjesine ıe boldy», - dedi oblystyq tabıǵat resýrstary jáne tabıǵatty paıdalanýdy retteý basqarmasynyń tabıǵatty qorǵaý baǵdarlamalary bóliminiń basshysy Gúlaıym Teleýbaeva.