Atyraý oblysynda «Nur Otan» mektep oqýshylarynyń tamaqtanýyn baqylaıtyn bolady
Bul týraly «Nur Otan» partııasyn jańǵyrtý aıasynda Memleket basshysynyń tapsyrmasy boıynsha ázirlengen bastamalyq jobalardy Atyraý oblysynyń ákimdiginde ótken keńeste usyndy. «Nur Otan» partııasynyń Atyraý oblysy boıynsha fılıaly tóraǵasynyń birinshi orynbasary Nurlybek Ojaevtyń aıtýynsha, jobalar aqparattyq tehnologııalardy damytýǵa, turǵyndardyń tsıfrlyq saýattylyǵyn arttyrýǵa, shaǵyn jáne orta bıznesti, bilim berý salasyn qoldaýǵa, sondaı-aq «Rýhanı jańǵyrý» baǵdarlamasyn iske asyrýǵa baǵyttalǵan.
«Aldaǵy úsh jyldyń ishinde «Nur Otan» memlekettik jáne jergilikti atqarýshy organdarmen, ÚEU jáne bıznes-qurylymdar ókilderimen birlesip baǵdarlama jasaý jáne robot tehnıkasy negizderin tereń oqyp-úırený úshin elimiz boıynsha 1000 tegin IT-synyp ashýdy josparlap otyr. Bul jyl saıyn 8 jastan 16 jasqa deıingi 150 myń balany oqytýǵa múmkindik beredi. Atyraý oblysynda mundaı synyptar ashylatyn 10 mektep belgilendi», -dedi N.Ojaev.
Bul mektep oqýshylarynyń qarapaıym algorıtmder qurý, eýropalyq bilim berý standarttary boıynsha baǵdarlamalar jáne WEB-saıttar jasaý daǵdylaryn meńgerýine jaǵdaı týǵyzady. Bolashaqta tehnoparkter ashý josparlanýda, bul aldyńǵy qatarly tsıfrlyq daǵdylar men bilimniń qoljetimdilik problemasyn sheshýge múmkindik beredi. Atyraý memlekettik ýnıversıtetiniń janynda jalpy bilim beretin mektepter úshin mamandardy oqytatyn IT-ortalyq ashylǵanyn aıta ketý kerek.
Taǵy bir jańa jobanyń baǵyttarynyń biri mektep ashanalaryn jańǵyrtý bolmaq. Olardyń jabdyqtaryn biryńǵaı standart boıynsha jańartý, sondaı-aq mektep oqýshylaryna arnalǵan salaýatty tamaqtaný standartyn engizý josparlanýda. Munan basqa, partııa oqý oryndaryndaǵy tamaqtandyrý sapasyn qoǵamdyq baqylaýdy júzege asyratyn bolady.
Jańa bastamalar mektepterdiń sport alańdaryn jańǵyrtýǵa jaǵdaı týǵyzady. Bıznesti tarta otyryp, olardy birlesip paıdalaný jónindegi joba pysyqtalýda. Birinshi kezekte qurylatyn ınfraqurylym balalarǵa arnalmaq, al mektepten tys ýaqytta aqyly negizde sportpen eresekter de shuǵyldana alady.
Mektep oqýshylarynyń densaýlyǵyn nyǵaıtýǵa «Bastaýysh synyp oqýshylaryna arnalǵan densaýlyq sabaqtary» kómektesedi. Bul úshin mektep oqýshylary men ata-analarǵa arnalǵan úsh tildegi ınteraktıvtik WEB-resýrs qurý josparlanyp otyr. Sabaqtyń aldynda balalar ınteraktıvtik gımnastıkanyń «bes mınýtymen», salaýatty tamaqtaný jáne alǵashqy kómek kórsetý daǵdylaryn úırenýmen aınalysatyn bolady. «Rýhanı jańǵyrý» baǵdarlamasyn iske asyrý aıasynda kitaphana júıesi de jańǵyrtýdan ótpek. Jańa partııalyq joba ádettegi kitap qoımasyn zamanaýı bilim taratý ortalyqtaryna ózgertýdy talap etedi. Kitap qoryn elektrondyq formatqa kóshire otyryp, biryńǵaı onlaın kitaphanalar ashý josparlanýda.
Atyraý oblysynyń ákimi Nurlan Noǵaev usynylǵan bastamalardyń mańyzdylyǵyn atap ótti. Birinshi kezekte bul IT-tehnologııalardy damytýǵa qatysty.
«Biz jastardy aqparattyq tehnologııalar salasynda alǵan bilimderin paıdalanýǵa úıretýge tıispiz. Jastar ınnovatsııalyq ıdeıalardy ózderi usynýy tıis», -dedi Nurlan Noǵaev. -Bizdiń balalarymyzdyń arasynda joǵary tehnologııalar salasynda daryndylar bar, olardyń áleýetin ashýymyz qajet».
Óńir basshysy partııanyń mektep ashanalaryn jańǵyrtý jónindegi bastamasy týraly da óz oıyn aıtty. Neǵurlym tıimdi jumys jasaý úshin qyzmettiń bul túrin senimdi basqarýǵa berý qajet. Qazirgi ýaqytta oblysta eki kásipker 8 mektep ashanasyn senimdi basqarýǵa alýǵa nıet bildirdi (beseýi Atyraýda, úsheýi Qulsaryda).
«Oblysta 193 mektep bar, al mektep ashanalaryn senimdi basqarýǵa alýǵa qyzyǵýshylyq bildirgender óte az. Sebebi qandaı, múmkin bir problemalar bar shyǵar? Buryn kásipkerge shartqa bir jylǵa qol qoıýdy usyndy. Qazir bul erejeni alyp tastap, paıdalaný merzimin bes jylǵa deıin ulǵaıtýdy josparlaýda. Bul bıznesmenderge qozǵaý salady jáne mektep ashanalaryndaǵy tamaqtaný sapasyn aıtarlyqtaı jaqsartady», -dep atap kórsetti Nurlan Noǵaev.
