Atyraý oblysynda mektepterde sabaq ótkizýdiń 2 formaty usynyldy – qaýly

ATYRAÝ. QazAqparat – Atyraý oblysynda 600 oqýshysy bar mektepterde sabaq shtattyq rejımde ótedi, dep habarlaıdy QazAqparat.

Oblystyń bas sanıtar dárigeri Mádenıet Tanaýovtyń búgingi qaýlysyna sáıkes, mektepterde sabaq ótkizýdiń eki formaty usynylyp otyr.

Máselen, mektepke deıingi bilim berý uıymdary jumysyn shtattyq rejımde jalǵastyrady. Alaıda, ata-analardyń ótinishi eskeriledi. Qosymsha bilim berý uıymdary, bilim berý ortalyqtary da shtattyq rejımde jumys isteıdi.

Al, 600-ge deıin oqýshy oqıtyn mektepterde, ózge bilim ordalarynyń 1-4 synyptarynda sabaq shtattyq rejımde ótkize beredi. Sondaı-aq, mundaı oqý formaty halyqaralyq mektepterdegi 1-6 synyptarda qoldanylady. Oqýshy sany 600-den asatyn mektepterge sabaqty jobalyq qýatynyń 50%-nan aspaıtyn júktememen shtattyq rejımde ótkizý usynylǵan.

Kolledjder men joǵary oqý oryndarynyń stýdentteri úshin aralas formatta oqytylady. Barlyq dárister onlaın, praktıkalyq, zerthanalyq, semınarlyq sabaqtar, óndiristik praktıkalar ıkemdi keste boıynsha shtattyq rejımde ótedi.

Eske sala ketelik, buǵan deıin Atyraý oblystyq sanıtarııalyq-epıdemıologııalyq baqylaý departamenti basyshsynyń orynbasary Álııa Bekesheva shekteýler alynǵanymen, saqtyq sharalaryn umytpaý kerektigin habarlaǵan bolatyn.