Atyraý oblysynda Mahambet rýhyna taǵzym etildi
Mahambet Ótemisulynyń poezııasy kúni Inderbor kentinen 40 shaqyrym jerde ornalasqan aqynnyń mazarynda uıymdastyryldy. Aqyndy eske alýǵa 500-ge jýyq adam keldi.
Keshke shyǵarmashylyq zııaly qaýym ókilderi, jazýshy, aqyndar Sábıt Dosanov, Aqushtap Baqtygereva, Rollan Seısenbaev, Esenǵalı Raýshanov, Merke Qulkenov, Serik Turǵynbekov, Ánes Saraı qatysty.
Qonaqtarǵa aqyndy jerleý ornyna ekskýrssııa uıymdastyrylyp, etnoaýylda merekelik dastarqan jaıyldy. Keshte Mahambet Ótemisulynyń óleńderi oqylyp, kúıleri tartyldy. Jınalǵandarǵa qazaq halqynyń batyry, oraq tildi aqynynyń ómirin beıneleıtin teatrlandyrylǵan kórinis kórsetildi.
Atyraý oblysynyń ákimi Nurlan Noǵaev jıynda sóz sóılep, aqynnyń ónegeli ómiri keıingi urpaqqa úlgi bola beretindigin, onyń jasyndaı jarqyldaǵan jyr shýmaqtary namysty qaırap, eldikke bastaıtynyn tilge tıek etti.
