Atyraý oblysynda qurbysynyń atyna 9 nesıe rásimdegen alaıaq ustaldy
Oblystyq polıtsııa departamenti baspasóz qyzmetiniń málimetinshe, Isataı aýdanynda turatyn turǵynnyń alaıaqtyq qylmys jasaǵany anyqtaldy.
«Isataı aýdanynyń 32 jastaǵy turǵyny qarjylyq uıymdar men bankterden túsken telefon qońyraýynan óziniń 804 myń 993 teńge kóleminde nesıesi baryn bilgen. Sodan soń polıtsııa qyzmetkerlerine shaǵym túsirgen. Poltsııa qyzmetkerleri osy derekke baılanysty onlaın nesıe rásimdep, alaıaqtyq qylmysyn jasaǵan 1991 jylǵy turǵyndy ustady. Tergeý kezinde jábirlenýshiniń buryn jeke basyn kýálandyratyn qujatyn kúdiktige bergeni belgili boldy», -dep habarlady departamenttiń baspasóz qyzmeti.
Qazir ustalǵan kúdiktige qatysty QR Qylmystyq kodekstiń 190-babynyń 2-bóligi 4) tarmaǵymen sotqa deıingi tergep-tekserý júrgizilip jatyr. Al, kúdikti ýaqytsha ustaý ızolıatoryna qamaýǵa alyndy.
«Turǵyndar jeke basyn kýálandyratyn qujatyn bógde adamdarǵa bermegeni jón. Ózine qatysty qupııa sózderdi eshkimge jarııalamaý qajettigin týraly eskertedi», -dep málim etti departamenttiń baspasóz qyzmetinen.
Eske sala ketelik, budan buryn Atyraýda 20-ǵa jýyq adamnyń 3 mln teńgesin jymqyrǵan alaıaq ustalǵanyn, keıin qarjy pıramıdalarynan 500 adam zardap shekkenin habarlaǵan bolatynbyz.
