Atyraý oblysynda koronavırýs ınfektsııasyna shaldyqqandar sany kúrt tómendedi
Buǵan deıin Atyraý oblysyndaǵy Teńiz ken ornynda koronavırýs ınfektsııasyn juqtyrǵandar sany azaıǵanyn jazǵan bolatynbyz.
Oblystyq densaýlyq saqtaý basqarmasy baspasóz qyzmetiniń aqparatyna qaraǵanda, 30 qańtarda COVID-19 ınfektsııasy 168 adamnan tabylǵan. Al, keshe, 31 qańtarda qaýipti vırýstyń belgisi 48 adamnan anyqtalyp, naýqastar 3,5 esege azaıǵan.
Derekke júginsek, ótken táýlikte Atyraý qalasynda koronavırýsty juqtyrýdyń 39 jaǵdaıy rastalyp otyr. Al, Teńiz ken ornynda 2 naýqas tirkelgen. Sondaı-aq, Jylyoı aýdanynda 4, Isataıda – 1, Qurmanǵazyda – 1, Mahambet aýdanynda 1 naýqas anyqtaldy.
Ótken táýlikte qaýipti vırýstan 696 adam emdelip shyqty.
Qazir 6 048 adam úı jaǵdaıynda emdelý úshin oqshaýlanǵan. Modýldik aýrýhanada – 150, ftızıopýlmanologııalyq ortalyqta – 53, aýdandardaǵy ınfektsııalyq statsıonarlarda – 50, al, №2 oblystyq aýrýhanada 23 naýqas em qabyldap jatyr.
Jylyoı aýdanynda ornalasqan Teńiz ken ornyndaǵy ınfektsııalyq statsıonarda emdelip jatqan birde-bir naýqas joq.
