Atyraý oblysynda qoqys qaldyǵyn qaıta óńdeý 2 esege ulǵaıady

ATYRAÝ. QazAqparat – Atyraýdyń Jylyoı aýdanynda qoqys qaldyqtaryn qaıta óńdeý eki esege ulǵaıady, dep habarlaıdy QazAqparat tilshisi.
None

Jylyoı aýdandyq ákimdiginiń baspasóz qyzmetinen málim etkendeı, turǵyn úılerden shyǵarylǵan qoqys qaldyqtaryn qaıta óńdeý josparlanyp otyr.

«Bizdiń aýdanda mekemelerden shyǵarylǵan qatty turmystyq qaldyqtardy suryptap, qaıta óńdeýmen aınalysatyn bir mekeme bar. 2019 qurylǵan «Ekoqala HHІ» JShS qaıtalama shıkizat alý maqsatynda jylyna 30 myń tonna qatty turmystyq, 6 myń tonna azyq-túlik jáne aýylsharýashylyǵy, 2 myń tonna qurylys qaldyqtaryn jınap, onyń 96%-yn qaıta óńdeıdi. Endi turǵyn úılerden shyǵarylatyn qoqys qaldyqtaryn qaıta óńdeýdi qolǵa alyp otyr. Qazir turǵyn úı ıelerimen kelisimshartqa otyrý júrip jatyr», dep habarlady aýdandyq ákimdiktiń baspasóz qyzmeti.

«Atameken» kásipkerler palatasy aýdandyq ókildiginiń jetekshisi Erlan Nurlanovtyń aıtýynsha, atalǵan seriktestiktiń 30 arnaıy tehnıkasy bar. Munda 100 adam jumys isteıdi.

«Munda avtomatty júk tarazylary, qaldyqtardy suryptaý tsehy, arnaıy suryptaý jelisi, qaıtalama shıkizat qoımasy, qaldyqtardy kádege jaratý kartasy bar. Rezervtik saqtaý orny, qurylys qaldyqtaryn suryptaý, kádege jaratý alańy, arnaıy kólikter men konteınerlerdi jýý, sanıtarlyq tosqaýyl oryndary qarastyrylǵan. Buryn keshen qýaty jylyna 30 myń tonnaǵa eseptelgen bolsa, endi bul eki esege artatyny josparlanyp otyr», -dedi Erlan Nurlanov.


Сейчас читают