Atyraý oblysynda bir kúnde 45 tonna qoqys jınaldy
Oblystyq tabıǵı resýrstar jáne tabıǵat paıdalanýdy retteý basqarmasynyń basshysy Nurlan Jantoqovtyń aıtýynsha, senbilik «Jer-Ana» ataýymen uıymdastyrylǵan.
«Tabıǵatta qoqysqa jol joq» dep atalǵan jalpy ulttyq ekologııalyq aktsııasy aıasynda ótken senbilikke 1 myńnan astam adam qatysqan. Onyń ishinde ekologııa departamentiniń mamandary, aımaqtyń atqarýshy organdardyń, kásiporyndardyń ókilderi, ekobelsendiler men stýdentter bar. Qoqystardy shyǵarýǵa 23 tehnıka tartylǵan.
«Jyl saıyn bul aktsııadan shet qalmaımyz. Bul – óte kerek is-shara. Bıyl Atyraý oblysynda ekosenbilik kezinde bes aýmaq qamtyldy. Senbilikten aýdandar da shet qalǵan joq. Maqsatymyz – qysqy maýsymnyń aldynda jaǵalaýlardy, saıabaqtar men skverlerdi qoqystan tazartý. Іs-shara jurt nazaryn qorshaǵan ortanyń lastaný máselesine, tabıǵatty saqtaý men ekologııalyq mádenıetti qalyptastyrýdyń mańyzyna aýdarýǵa baǵyttaldy», -deıdi tabıǵı resýrstar jáne tabıǵat paıdalanýdy retteý basqarmasynyń basshysy Nurlan Jantoqov.
Onyń deregine qaraǵanda, senbilikke qatysýshylar 1 591 tal kóshetin ekken. Oblys aýmaǵynan 45 tonna qoqys jınalǵan. Qoqystyń arasynda qaıta óńdeýge bolatyn qaldyqtyń keıbir túri bar. Sol sebepten, suryptalǵan qoqystar arnaıy kásiporynǵa qaıta óńdeýge jiberildi.
Bul aktsııa qazan aıynyń sońyna deıin jalǵasady.
Eske sala ketelik, budan buryn Atyraý oblysynda qoqys qaldyǵyn qaıta óńdeý 2 esege ulǵaıatynyn jazǵan bolatynbyz.
