Atyraý oblysynda baılanys sapasy nelikten nashar
Buǵan sebep kóp. Sonyń biri – halyq sanynyń ósýi. ıAǵnı, qyzmet kórsetýshiler abonentterdi túgel qamtyp úlgermeı jatyr. Ekinshiden, mobıldi baılanys operatorlary qyzmet sapasyn jaqsartýǵa asyqpaı otyr. Munyń sebebin «Beeline» ataýmen qyzmet kórsetetin «Kar-Tel» JShS-niń tehnıkalyq bólim basshysy Andreı Izosımovtan surap bildik.
«Kóptegen turǵyndar antennalardyń úıge jaqyn ornalasýyna qarsy. Bıik úılerdiń birine antenna ornatsaq bolǵany, turǵyndar jınalyp, qarsylyq bildirip jatady. Bul – radıofobııadan týyndap otyrǵan jaıt. Olar qarapaıym antennadan zııandy sáýle bólinedi dep oılaıdy. Al shyn máninde bul olaı emes. Antennanyń esh zııany joq», - deıdi ol.
Sondaı-aq qylmystyq-atqarý júıesine tıesili nysandar óz aýmaqtarynda qamtý aımaǵy birneshe shaqyrymdy quraıtyn zamanaýı qurylǵylar ornatýda. Munyń da ınternet jyldamdyǵyna keri áseri bar. Bul týraly biz Atyraý, Aqtóbe, Batys Qazaqstan, Mańǵystaý oblystary boıynsha óńiraralyq baılanys ınspektsııasy radıobaqylaý bóliminiń basshysy Rústem Nurǵalıevten suradyq.
«Sońǵy jyldyń ishinde baılanystyń nasharlaýyna qatysty túsken shaǵymdar úsh esege artty. Sol boıynsha biz tekseris júrgizip, týyndaǵan máselelerdi birtindep sheship jatyrmyz. Biraq bul teńizge tamǵan tamshydaı ǵana. Byltyr baılanys operatorlaryna aıyppul salýǵa quzyretimiz jetse, bıyldan bastap olardyń qyzmetin tekserýge tyıym salyndy. «Almagúl» yqshamaýdanynyń turǵyndarynan da ınternet baılanysynyń nasharlyǵyna qatysty kóp aryz tústi. Óıtkeni, onda áıelder kolonııasy ornalasqan. Bul másele de ózara kelissózder arqyly sheshimin tapty. Alaıda, jaqynda taǵy bir másele týyndady. Bul «ÝG-157/9» túzeý mekemesiniń jańa qurylǵylardy qondyrýyna baılanysty. Budan Tasqala, Vodnıkov, Kókarna jáne AMÓZ mańyndaǵy turǵyndar zardap shegýde», - deıdi ol.
Aıta keteıik, oblysta 153 eldimeken bar. Onyń 132-sine «Talshyqty-optıkalyq baılanys jelileri tehnologııasy boıynsha aýyldyq eldi mekenderde ınternet jelisine keń jolaqty qoljetimdilikti qamtamasyz etý» jobasyna sáıkes ınternet jelisi júrgizilgen. Sondaı-aq Erkinqala-2, Aqjar, Aqjar-2, Juldyz-3 eldi mekenderinde jańa bazalyq ınternet stansalary salynbaq.
Baılanys operatorlarynyń jaýapkershiligin arttyrýda byltyr mınıstrlik aıyppuldardy 100-den 1000 aılyq eseptik kórsetkishke deıin jáne qaıtalanǵan jaǵdaıda 200 -den 1500 AEK-ke deıin ulǵaıtý úshin zańnamalarǵa túzetýler engizgen edi. Bul túzetýler ótken jyldyń 10 qyrkúıeginen bastap kúshine endi.
Eske sala keteıik, elimizde turǵyndardyń radıofobııasy baılanys sapasyn arttyrýǵa kedergi keltiretinin buǵan deıin de jazǵan bolatynbyz.
