Atyraý oblysynda 7 áleýmettik nysan paıdalanýǵa berildi

ATYRAÝ. QazAqparat - Konstıtýtsııa kúni Atyraý oblysynda 7 áleýmettik nysan - mektep, balabaqshalar, mádenıet úıleri, jataqxanalar paıdalanýǵa berildi, dep xabarlaıdy QazAqparat tilshisi.

Qurmanǵazy aýdany Prımore aýylynda 300 oryndyq jalpy bilim beretin mektep ashyldy. Sonymen qatar, Qyzylqoǵa aýdany Saǵyz aýylynda 424 oryndyq mektep paıdalanýǵa berildi. Oǵan qosa, Elbasynyń áleýmettik 5 bastamasy boıynsha Atyraýda stýdentterdi jataqxanamen qamtý máselesi sheshilýde. D.Nurpeıisova atyndaǵy mýzykalyq kolledj stýdentterine arnalǵan jańa ǵımarat bilim kúninde paıdalanýǵa beriledi. Bul jerde bir ýaqytta 100 stýdent tura alady.

Maxambet aýdany Taldykól aýylynda 160 oryndyq taǵy bir mektepke deıingi bilim beretin jańa ǵımarat salyndy.

Sondaı-aq Inder aýdany Bódene aýylynda 100 oryndyq balabaqsha ashyldy. Jyl saıyn óńirde jańa mádenı nysandar ske qosylýda. Bul joly Maxambet aýdany Aqtoǵaı aýyly turǵyndary úshin 200 oryndyq mádenıet úıi ashyldy.

Al, qala mańyndaǵy Tomarly aýylynda 400 oryndyq mádenıet úıi paıdalanýǵa berildi.

Aıta ketelik, áleýmettik mańyzy bar nysandardy paıdalanýǵa berý Konstıtýtsııa kúnimen tuspa tus keldi.