Atyraý oblysynda 55 qoqys polıgony bar
Mınıstrmen kezdesýde jergilikti turǵyndar ózderin tolǵandyrǵan mańyzdy máselelerdi qozǵady. Sonyń biri – qatty turmystyq qaldyqtar polıgondarynyń jaı-kúıimen kógaldandyrýdyń jetkiliksizdigi. Ǵaryshtan júrgizilgen monıtorıng qorytyndysymen byltyr 131 ruqsat etilmegen qoqys polıgon anyqtalǵan.
Zúlfııa Súleımenovanyń aıtýynsha, qoqys polıgondarynyń paıda bolýynyń bir sebebi bar. Bul – qatty turmystyq qaldyqtar polıgonynyń ekologııalyq jáne sanıtarlyq talaptarǵa sáıkes kelmeýi. Qazir Atyraý oblysynda 55 qoqys polıgony bar. Onyń ishinde 8 polıgon (14,5%) ǵana ekologııalyq jáne sanıtarlyq talaptarǵa sáıkes keledi.
Taǵy bir másele qaldyqtardy qaıta óńdeýge qatysty týyndaıdy. Ásirese qurylys materıaldarynyń qaldyqtary óńdelmeı jatyr.
«Jergilikti ákimdikter shaǵyn jáne orta bıznes bıznes sýbektilerin kommýnaldyq qaldyqtardy jınaý, suryptaý jáne qaıta óńdeýge tartýy qajet. Al, kommýnaldyq qaldyqtarǵa baılanysty arnaıy baǵdarlama ázirlegen jón», -dedi Zúlfııa Súleımenova.
Onyń deregine súıensek, jańa Ekologııalyq kodekstiń engizildi. Bul ákimdikterge tabıǵatty qorǵaý is-sharalaryna emıssııalar úshin tólem qarajatyn 100% paıdalaný múmkindik berip otyr. Máselen, ótken jyly oblys bıýdjetine ekologııalyq tólemderden 9 mlrd teńgeden astam qarajat túsken.
Sý sharýashylyǵynda birqatar problema bar. Qazir sý salasyndaǵy nysandar tozǵan. Sonyń saldarynan sý shyǵyny artyp otyr. Mınıstrlik tarapynan sý sharýashylyǵy ınfraqurylymyn salý jáne rekonstrýktsııalaý, sýarý arnalaryn tsıfrlandyrýǵa jumystar júrgizilip jatyr.
Óńir turǵyndary kóshet egý, janýarlarǵa qatygezdik kórsetý, qoǵamdyq tyńdaýlar ótkizý tártibine qatysty máselelerdi ortaǵa saldy. Mınıstrge bıoqaldyqtar boıynsha jobalar usynyldy.
Eske sala ketelik, buǵan deıin Atyraý oblysynda qorshaǵan ortany búldirgenderge 306 mln teńge aıyppul salynǵanyn jazǵan edik.
Avtor: Bek Mustafa