Atyraý oblysynda 2025 jylǵa deıin 30-ǵa jýyq medıtsınalyq nysan salynady
Oblystyq densaýlyq saqtaý basqarmasy baspasóz qyzmetiniń málimetinshe, «Aýyldyq densaýlyq saqtaýdy jańǵyrtý» ulttyq joba aıasynda jańa tıptik jobadaǵy medıtsınalyq nysandar qurylysy iske asyrylyp jatyr. Óńirde 2025 jylǵa deıin osyndaı 30-ǵa jýyq nysandy iske qosý kózdelgen.
«Bıylǵy úsh aıda týý kórsetkishi 1,6%-ǵa joǵarylaǵany baıqaldy. Al, ólim-jitim 36,4%-ǵa tómendedi. Máselen, náreste ólimi 21,5%-ǵa, týberkýlezden qaıtys bolǵandar 25%-ǵa, júrek-qan tamyrlary aýrýlarynan ólim-jitim 10,9%-ǵa, qaterli isikten kóz jumǵandar 8,8%-ǵa azaıdy», -dep habarlady basqarmanyń baspaósz qyzmeti.
Aýrýhanalarda emdelgender qatary kóbeıgen. Máselen, oblystyq balalar aýrýhanasynyń dırektory Nurǵabyl Aıtmuhanbetovtiń aıtýynsha, jyl basynan beri 181 naýqas emdelgen. Bul – byltyrǵy kórsetkish 9 paıyzǵa artyq.
Oblys ákiminiń orynbasary Jasulan Bısembıevtiń pikirinshe, medıtsına qyzmetkerleri turǵyndar densaýlyǵyn jaqsartýǵa barynsha jumystanýy qajet.
«Medıtsına qyzmetkerlerine júgingen ár adamnyń densaýlyǵyǵyna basa aýdarý qajet. Dárigerlerdiń qatelesýine nemese jumysty álsiretýine múlde bolmaıdy. Óıtkeni, dárigerlerdiń jumysy udaıy saralanady», -deıdi Jasulan Bısembıev.
Eske sala ketelik, budan buryn Atyraý oblysynyń 18 aýyldyq eldi mekeni medıtsınalyq nysanǵa zárý ekenin habarlaǵan bolatynbyz.
Oblys ákiminiń orynbasary Jasulan Bımesbıevtiń aıtýynsha, ulttyq joba sheńberinde 18 aýyldyq eldi mekende medıtsına nysandaryn salý josparlanǵan. Onyń ishinde 11 medıtsınalyq pýnkt, 1 dárigerlik ambýlatorııa, 6 feldsherlik-akýsherlik pýnkt bar.