Atyraý oblysynda 154 jas túlek «Altyn belgi» ıegeri atandy
Atyraýda «Daryndy urpaq - el bolashaǵy» V oblystyq forýmy ótkizildi. Atalmysh oblystyq forýmdy uıymdastyrýdaǵy maqsat - «Altyn belgi», «Úzdik attestat» ıegerleri, respýblıkalyq jáne halyqaralyq pánder olımpıadalarynyń, ǵylymı jobalar saıystarynyń jeńimpazdaryna, bastaýysh synyp oqýshylary arasynda ótilgen respýblıkalyq «Zerde» bilim baıqaýynyń júldegerleriniń bolashaq qadamdaryna aq jol tileý.
Sharaǵa qaladaǵy jəne oblystyq jalpy bilim beretin mektepterden 2500 túlek qatysty.
Atyraý oblystyq bilim berý basqarmasynyń məlimetinshe, oblys boıynsha 5183 oqýshy mektep bitirip, olardyń 3935-i UBT-ge qatysýǵa nıet bildirip otyr. Oqý jylynyń qorytyndysy boıynsha 154 mektep bitirýshi «Altyn belgige», 95 oqýshy «Úzdik attestat» ıegerleri atandy.
Mektep bitirýshi túlekterdi oblys basshysy Nurlan Noǵaev qutyqtady. Aımaq basshysy 11 jyl ustazdar men ata-anadan alǵan bilimniń arqasynda jańa ómirge qadam basyp, durys mamandyq tańdaýda qoldanýda óziniń senimdiligin jetkizdi.
«Memleket basshysy Qazaqstan bolashaǵyn qalyptastyrýda adam kapıtaly mańyzdy bolyp tabylatynyna senimdi. Jəne bul mektepter men basqa da oqý oryndarynda beriletin bilim. Sondaı-aq, ata-analardyń ómir boıy balasyna degen barlyq qarajatyn salady. Búgin tek mektepter ǵana emes, sonymen qatar joǵary oqý oryndarynda sapaly bilim alýǵa barlyq jaǵdaı jasalǵan. Atyraý oblysynda ekinshi jyl jergilikti bıýdjetten stýdentterdi oqytýǵa grant bólinetin bolady. Biz Qazaqstannyń jańa býynyna sapaly jəne joǵary bilim alýlary úshin bizdiń taraptan barlyq jaǵdaı jasap jatyrmyz»,- dedi Nurlan Asqaruly.
Shara úzdikterdi marapattaýǵa ulasyp, daryndy túlekter aımaq basshysynyń qolynan mektep bitirý attestatyn, syılyqtaryn aldy. Forým sońynda mektep túlekteri oblys ákimimen estelik fotosýretke tústi. Shara kontserttik baǵdarlamamen jalǵasyp, merekelik ot shashýmen aıaqtaldy.
