Atyraý oblysynda 1 864 adam Rfizer vaktsınasyn saldyrdy
Oblystyq densaýlyq saqtaý basqarmasy baspasóz qyzmetiniń málimetinshe, turǵyndar arasynda Covid-19 ınfektsııasyna qarsy vaktsınalardy saldyrýǵa ynta bildirýshiler qatary kóbeıe túsken.
«Atyraý oblysynda bıylǵy 1 aqpannan beri vaktsınalardyń I komponentin 255 372 adam ektirdi. Vaktsınalardyń II komponentin alǵan adamdardyń sany 236 307-ge jetti. Al, 20 qarashada Pfizer vaktsınasyn saldyrý bastaldy. Sodan beri bul vaktsınany 1 864 adam saldyrdy. Onyń ishinde bala emizip otyrǵan 964 ana, 96 júkti áıel men 12-18 jas
aralyǵyndaǵy 804 jasóspirim bar», -dep málim etti basqarmanyń baspasóz qyzmetinen.
Qazir Atyraý oblysynda Rfizer vaktsınasyn alýy tıis adamdardyń sanatyna 12 men 18 jas aralyǵyndaǵy 63 138 jasóspirim engizilgen. Al, bala emizetin jáne júkti áıelder sany – 35 362. Óńirge Rfizer vaktsınasynyń 32 760 dozasy jetkizilgen.
Eske sala ketelik, buǵan deıin Atyraý oblysynda Rfizer vaktsınasyn 1 440 adam saldyrǵan
edi.
