Atyraý mektepteriniń kúzetine eki jylda 88 mln teńge jumsalǵan
Atyraý oblystyq bilim basqarmasy baspasóz qyzmetiniń málimetinshe, 2021-2022 oqý jylynyń basynda barlyq mektep pen balabaqsha materıaldyq-tehnıkalyq qaýipsizdik quraldarymen qamtamasyz etilgen.
«Qazir oblystaǵy jalpy bilim beretin 200 mektep 9 109 beınebaqylaý júıesimen jabdyqtalyp otyr. Onyń ishinde 137 mekteptegi beınebaqylaý júıesi polıtsııa departamentiniń jedel basqarý ortalyǵyna qosyldy. Mamandandyrylǵan kúzet qyzmeti Atyraý qalasyndaǵy 17, Jylyoı aýdanynyń ortalyǵy Qulsary qalasynyń 20 mektebinde bar. Óńirdegi 158 mektepte týrnıket ornatyldy. Memleket ıeligindegi 151 balabaqsha 5 397 beınebaqylaý júıesimen, 74 balabaqsha týrnıketpen qamtyldy. Al, 20 balabaqshadaǵy kameralar «Sergek» júıesi arqyly jedel basqarý ortalyǵynan baqylaýǵa alynǵan», - dep habarlady basqarmanyń baspasóz qyzmeti.
Arnaýly orta bilim beretin 17 kolledj bar. Onyń bárinde 695 beınebaqylaý júıesi, 3-eýinde mamandandyrylǵan kúzet, 11-inde týrnıket, 4-eýinde dabyl túımesi ornatylǵan.
«Bilim berý mekemelerin kúzetpen qamtamasyz etý úshin 2021-2022 jyldary 88 mln teńgeden astam qarjy bólindi. Bul bıyl da jalǵasady. Qazir 200 mektepte dabyl túımesi bar. Bógde adamdardyń oqý ornynyń aýmaǵynda bolý tártibi kúsheıtildi. Onyń ishinde bilim alýshylardyń qaýipsizdigi jónindegi sharalar kúndelikti baqylaýda ustalyp otyr», - dep málim etti oblystyq bilim basqarmasynyń baspasóz qyzmetinen.
Eske sala ketelik, budan buryn bıyl Atyraýda 9 balabaqsha paıdalanýǵa beriletinin jazǵan edik.
